12:06 PM Assassin's Creed Rogue დაანონსეს | |
თამაშში Assassin’s Creed: Rogue გეიმერებს მოუწევთ ასასინებზე ნადირობა. მოქმედება Rogue-ში ვითარდება 18 საუკუნეში შვიდწლიანი ომის პერიოდში. მოთამაშეები ეწვევიან ჩრდილოეთ ამერიკის ტერიტორიებს, მათ შორის ატლანტიკური ოკეანის გაყინულ ჩრდილოეთ რეგიონებს და აპალაჩის მდინარის ხეობას. გეიმფლეის საკვანძო ელემენტი ისევ საზღვაო ბრძოლები გახდება. იმ ხომალს კი, რომლის მეშვეობითაც გეიმერებს ოკეანის სივრცეებზე მოგზაურობა მოუწევთ „მორიგანი“ ერქმევა. თამაშის მთავარი პერსონაჟი კი გახდება შეი პატრიკ კორმაკი, ყოფილი ასასინი, რომელიც მოძმეების ღალატის შემდეგ, მათზე ნადირობას გადაწყვეტს „1751 წელი. საფრანგეთსა და ინდოეთს შორის მიმდინარე ომის პერიოდში, ასასინების საძმოს უშიშარი წევრი, შეი პატრიკ კორმაკი გადადის ბნელ მხარეზე, რაც სამუდამოდ შეცვლის საძმოს მომავალს. ერთ-ერთი სახიფათო დავალების შერულების დროს, მოვლენები ტრაგიკულად განვითარდება, შეი უღალატებს ასასინებს, რომლებიც შეეცდებიან მის მოკვლას. როდესაც მას უარყოფენ ისინი, ვისაც ის მთელი ცხოვრება ძმებს ეძახდა, შეი გადაწყვეტს გაანადგუროს ყველა ის, ვინც მის წინააღმდეგ წავიდა და გახდეს ისტორიისათვის ცნობილი ერთ-ერთი ყველაზე საშიში მონადირე ასასინებზე“ - ნათქვამია ოფიციალურ პრესს-რელიზში. „წარმოგიდგენთ Assassin’s Creed: Rogue-ს, სერიის ყველაზე ბნელ ნაწილს. შეის როლში, თქვენ მოგიწევთ გაიაროთ გრძელი და რთული გზა და გადაიქცეთ ასასინისგან - მონადირეში. მიჰყევით თქვენ საკუთარ კრედოს, გაემგზავრეთ მოგზაურობაში ნიუ-იორკიდან ჩრდილოეთ ატლანტიკის გაყინულ მიწებზე და მიაღწიეთ თქვენ ერთადერთ მიზანს - გაანადგურეთ ასასინების საძმო“ ახალ თამაშზე ერთდროულად 7 სტუდია მუშაობს, მათ შორის Ubisoft Sofia, რომელიც ხელმძღვანელობს პროექტს. მათ თავის მხრივ ეხმარებიან სინგაპურის, მონრეალის, კვებეკის, მილანის, ჩენგდუს და ბუქარესტის სტუდიების დეველოპერები. Assassin’s Creed: Rogue გამოვა 11 ნოემბერს, ექსკლუზიურად ძველი თაობის კონსოლებისთვის.
| |
|
| |
| სულ კომენტარები: 0 | |